مقال عن التحرش بقلم فادى جيفارا

ﺍﻧﺘﻮﺍ ﺗﻌﺮﻓﻮﺍ ﺇﻳﻪ ﺃﺻﻼً ﻋﻦ ﺍﻟﺘﺤﺮُّﺵ؟ ﺇﺣﻨﺎ ﺗﺠﺎﻭﺯﻧﺎ ﻣﺮﺣﻠﺔ ﺍﻟﺘﺤﺮُّﺵ ﻣﻦ ﺳﻨﻴﻦ ﻃﻮﻳﻠﺔ.. احنا دلوقتى فى مرحلة الاغتصاب ﺍﻟﺒﻨﺖ ﻓﻲ ﻣﺼﺮ ﺑﻴﺘﻢ ﺍﻏﺘﺼﺎﺑﻬﺎ ﻋﻴﻨﻲ ﻋﻴﻨﻚ ﻣﻦ ﺯﻣﺎﻥ، ﻛﺎﻧﻮﺍ ﺑﻴﻐﺘﺼﺒﻮﺍ ﺣﻘﻬﺎ ﻓﻲ ﺇﻧﻬﺎ ﺗﻜﻮﻥ ﻣﺼﺪﺭ ﻓﺮﺣﺔ ﻛﻤﻮﻟﻮﺩ ﺟﺪﻳﺪ ﻹﻧﻬﺎ ﻣﺶ ﻭﻟﺪ ﻭﻛﺎﻥ ﻻﺯﻡ ﺛﻮﺭﺓ ﺗﻬﺰ ﺍﻟﻌﺎﻟﻢ ﻛﻠﻪ ﻋﺸﺎﻥ ﻳﺒﻘﻰ ﻟﻴﻬﺎ ﺣﻖ ﺍﻟﻮﺟﻮﺩ ﻋﻠﻰ ﺍﻷﺭﺽ، ﻭﻣﻴﺪﻓﻨﻮﻫﺎﺵ ﺍﻏﺘﺼﺒﻮﺍ ﺣﻘﻬﺎ ﺳﻨﻴﻦ ﻛﺘﻴﺮ ﻓﻲ ﻋﻘﻠﻬﺎ ﺇﻧﻬﺎ ﺗﺘﻌﻠّﻢ، ﻭﺣﺒﺴﻮﻫﺎ ﺑﻴﻦ 4 ﺣﻴﻄﺎﻥ ﻋﺸﺎﻥ ﺗﺘﻌﻠّﻢ ﺇﺯﺍﻱ ﺗﻜﻮﻥ ﺟﺎﺭﻳﺔ ﺗﻄﺒﺦ ﻭﺗﻤﺴﺢ ﻭﺗﻐﺴﻞ ﻭﺗﻨﺸﺮ ﻭﺗﻜﻨﺲ ﺗﺤﺖ ﻣُﺴﻤّﻰ ﻛﺎﺫﺏ: ﺳﺖ ﺑﻴﺖ ﻭﻛﺎﻥ ﻻﺯﻡ ﺛﻮﺭﺓ ﺗﻬﺰمصر ﻋﺸﺎﻥ ﺍﻟﺒﻨﺖ ﺗﺘﻌﻠّﻢ ﻋﻠﻰ ﺍﻷﻗﻞ ﺗﻔﻚ ﺍﻟﺨﻂ ﻭﺑﻌﺪﻫﺎ ﺍﻏﺘﺼﺒﻨﺎ ﺣﻘﻬﺎ ﺇﻧﻬﺎ ﺗﻜﻤّﻞ ﺗﻌﻠﻴﻤﻬﺎ، ﻹﻧﻬﺎ ﻛﺪﺓ ﻛﺪﺓ ﺯﻱ ﺑﻨﺴﺘﻬﺒﻞ ﻭﺑﻨﻘﻮﻝ ﻣﺎﻟﻬﺎﺵ ﺇﻻ ﺑﻴﺖ ﺟﻮﺯﻫﺎ.. ﻣﺶ ﺣﺘﻰ ﺑﻴﺘﻬﺎ ﺍﻟﺒﻨﺖ، ﺍﻟﺒﻬﺠﺔ، ﺍﻏﺘﺼﺒﻮﺍ ﺣﻘﻬﺎ ﻓﻲ ﺇﻧﻬﺎ ﺗﻀﺤﻚ!! ﻛﺎﻡ ﻣﻠﻴﻮﻥ ﺑﻨﺖ ﻓﻲ ﺗﺎﺭﻳﺦ ﺑﻠﺪﻧﺎ ﻛﺘﻤﺖ ﺿﺤﻜﺘﻬﺎ ﻭﻫﻲ ﻓﻲ الشارع ﻣﺘﺮﻭ ﺃﻭ ﻣﻴﻜﺮﻭﺑﺎﺹ؟ ﺣﺘﻰ ﻟﻮ ﻓﻲ ﺣﻔﻠﺔ ﺧﻄﻮﺑﺔ ﺃﻭ ﻓﺮﺡ؟ ﻭﻛﺎﻡ ﻣﻠﻴﻮﻥ ﺑﻨﺖ ﻓﻠﺘﺖ ﻣﻨﻬﺎ ضحكتها .. ﻭﻓﻲ ﻧﺺ ﺍﻟﻀﺤﻜﺔ ﺍﺗﻘﻬﺮﺕ ﻣﻦ ﻣﻠﻴﺎﺭ ﻓﻜﺮﺓ ﺍﻏﺘﺼﺒﺖ ﺿﺤﻜﺘﻬﺎ ﺑﺴﺒﺐ ﻛﻼﻡ ﺍﻟﻨﺎﺱ؟ ﻛﺎﻥ ﻻﺯﻡ ﺛﻮﺭﺓ ﺗﺮﺟّﻊ ﻟﻠﺒﻨﺖ ﺣﻘﻬﺎ ﻓﻲ ﺍﻟﻀﺤﻚ، ﻭﺍﻏﺘﺼﺒﻮﻫﺎ ﻓﻲ ﻗﻠﺐ ﻣﻴﺪﺍﻥ ﺛﻮﺭﺗﻬﺎ ﺍﻟﺒﻨﺖ ﺍﻏﺘﺼﺒﻮﺍ ﺣﻘﻬﺎ ﻓﻲ ﺇﻧﻬﺎ ﺗﺨﺘﺎﺭ، ﺣﺘﻰ ﻟﻮ ﻫﺘﺨﺘﺎﺭ ﺍﻟﺒﻨﻲ ﺁﺩﻡ ﺍﻟﻠﻲ ﻫﻴﻔﻀﻞ ﻻﺯﻕ ﻟﻬﺎ ﻃﻮﻝ ﺣﻴﺎﺗﻬﺎ، ﻭﺃﺟﺒﺮﻭﻫﺎ ﻭﺃﺟﺒﺮﻭﻫﺎ ﻋﺸﺎﻥ ﺑﻴﺤﺒّﻮﺍ ﻳﺠﺒﺮﻭﻫﺎ.. ﺍﺧﺘﺮﻋﻮﺍ ﻣﻌﺎﺩﻻﺕ ﻣُﻨﺤﻄّﺔ ﻋﺸﺎﻥ ﻳﺒﺮﺭﻭﺍ ﻟﻨﻔﺴﻬﻢ ﺇﺟﺒﺎﺭﻫﺎ ﻣﺶ ﻛﻞ ﺍﻟﺴﻜﻮﺕ ﻣﻌﻨﺎﻩ ﺍﻟﺮﺿﺎ.. ﻓﻲ ﺳﻜﻮﺕ ﻣﻌﻨﺎﻩ ﺍﻟﻘﻬﺮ ﻛﺎﻡ ﺑﻨﺖ ﻟﻤﺎ ﺍﺗﻌﺎﻛﺴﺖ ﺍﻏﺘﺼﺒﻮﺍ ﺣﻘﻬﺎ ﻓﻲ ﺇﻧﻬﺎ ﻳﺮﺟﻊ ﻟﻬﺎ ﺣﻘﻬﺎ؟ ﻛﺎﻡ ﺑﻨﺖ ﻟﻤﺎ ﺍﺗﻌﺎﻛﺴﺖ ﺑﻘﺖ ﻫﻲ ﺍﻟﻐﻠﻄﺎﻧﺔ ﻋﺸﺎﻥ ﻟﺤﻈﺔ ﻡ ﺍﺗﻌﺎﻛﺴﺖ ﻛﺎﻧﺖ ﻓﻲ ﺍﻟﺸﺎﺭﻉ ﻣﻜﺎﻧﺘﺶ ﻓﻲ اﻟﻤﻄﺒﺦ ﺑﺘﻌﻤﻞ ﻗﻠﻘﺎﺱ؟ ﻛﺎﻡ ﺑﻨﺖ ﻟﻤﺎ ﺣﻴﻮﺍﻥ ﺑﻴﻌﺎﻛﺴﻬﺎ، ﻫﻲ ﺍﻟﻠﻲ ﺑﺘﻄﻠﻊ ﻏﻠﻄﺎﻧﺔ ﻣﻦ ﻭﺟﻬﺔ ﻧﻈﺮ ﺍﻟﺨﻨﺎﺯﻳﺮ ﺍﻟﻠﻲ ﺑﻴﻘﻔﻮﺍ ﺿﺪﻫﺎ ﻋﺸﺎﻥ ﺍﻟﺒﻨﺖ ﺑﺘﻜﻮﻥ ﻓﻲ ﺧﻼﻑ ﻣﻊ ﺧﻨﺰﻳﺮ ﺯﻳّﻬﻢ؟ ﺍﻧﺖ ﺷﻮﻓﺖ ﺑﻌﻴﻨﻚ ﻛﺎﻡ ﺑﻨﺖ ﺍﺗﻌﺎﻛﺴﺖ ﻓﻲ ﺍﻟﺸﺎﺭﻉ ﻭﻟﻔّﻴﺖ ﻭﺷﻚ؟ ﻭﻧﻔﺲ ﺍﻟﻮﻗﺖ ﻛﺎﻡ ﻣﺮّﺓ ﺍﺗﻜﻠﻤﺖ ﻋﻦ ﺇﻥ ﻗﺪ ﺍﻳﻪ ﺍﻟﺘﺤﺮُّﺵ ﺷﻲﺀ ﺳﺎﻓﻞ ﻭﺯﺑﺎﻟﺔ؟ ﺍﺣﻨﺎ ﻛﺪﺍﺑﻴﻦ ﻓﺸﺦ! ﻭﻣﻐﺘﺼﺒﻴﻦ ﺟﺪﺍً ﺣﺘﻰ ﺗﺤﺮﻛﺎﺕ ﺍﻟﺒﻨﺖ ﻋﻠﻰ ﺍﻟﻔﻴﺲ ﺑﻮﻙ ﺍﻏﺘﺼﺒﻨﺎﻫﺎ، ﻟﻤﺎ ﺑﻨﻌﻤﻞ ﻻﻳﻚ ﻟﺒﻨﺖ ﺃﻭ ﻧﺪﻋﺒﺲ ﻋﻠﻰ ﺑﻨﺖ ﺣﺎﻃّﺔ ﺻﻮﺭﺗﻬﺎ، ﺍﻟﺒﻨﺖ ﻟﻤﺎ ﺑﺘﻜﺘﺐ ﺃﻱ ﺗﻌﻠﻴﻖ ﻋﻠﻰ ﺃﻱ ﺣﺎﺟﺔ ﻣﺶ ﺑﺘﺴﻠﻢ ﻣﻦ ﺍﻹﺿﺎﻓﺔ ﻭﺍﻟﺒﻮﻭﻙ ﻭﺍﻟﻼﻳﻜﺎﺕ ﻭﺍﻟﺮﺳﺎﻳﻞ ﺣﺘﻰ ﻟﻮ ﺣﺎﻃّﺔ ﺻﻮﺭﺓ ﻣﻴﻜﻲ ﻣﺎﻭﺱ! ﺍﻏﺘﺼﺒﻨﺎ ﺣﻖ ﺍﻟﺒﻨﺖ ﻓﻲ ﺍﻟﺴﻔﺮ ﻟﻮﺣﺪﻫﺎ، ﺭﻏﻢ ﺇﻳﻤﺎﻧّﺎ ﺍﻟﺸﺪﻳﺪ ﺑﺘﺮﺑﻴﺘﻬﺎ ﻭﺃﺧﻼﻗﻬﺎ ﻟﻜﻦ ﻹﻧﻨﺎ ﻣﺘﺄﻛﺪﻳﻦ ﺇﻥ ﺍﻟﺒﻠﺪ ﻣﻔﻴﻬﺎﺵ ﺭﺟﺎﻟﺔ، ﻭﺇﻥ ﻣﻤﻜﻦ ﺃﻱ حيوان ﻳﻌﺎﻛﺴﻬﺎ ﻓﻲ ﺍﻟﻤﺘﺮﻭ ﺃﻭ ﺍﻟﺸﺎﺭﻉ ﺃﻭ ﺍﻟﺸﻐﻞ ﻹﻥ ﺑﻠﺪﻧﺎ ﻣﻔﻴﻬﺎﺵ ﺭﺟﺎﻟﺔ ﺑﺘﻘﻒ ﻣﻊ ﺍﻟﺤﻖ ﻣﻬﻤﺎ ﻛﺎﻥ ﺗﻤﻨﻪ ﺇﺣﻨﺎ ﻣﺶ ﺑﻨﻘﻒ ﻣﻊ ﺍﻟﺤﻖ ﻭ دايماً ﺑﻨﻴﺠﻲ ﻋﻠﻰ ﺍﻟﻀﻌﻴﻒ، ﺍﻟﻔﻘﻴﺮ ﺑﻨﻔﺸﺨﻪ، ﻭﺍﻟﻤﺮﻳﺾ ﺑﻨﻔﺸﺨﻪ، ﻭﺍﻟﻴﺘﻴﻢ ﺑﻨﻔﺸﺨﻪ، ﺣﺘﻰ ﺍﻟﻠﻲ ﻣﺶ ﻣﻦ ﺍﻟﻤﻨﻄﻘﺔ ﻭﺑﻴﺴﺄﻝ ﻋﻦ ﻣﻜﺎﻥ ﺑﻨﻔﺸﺨﻪ ﻋﺰﻳﺰﺗﻲ الفتاه ﺇﺣﻨﺎ ﻣﺠﺘﻤﻊ ﺟﺒﺎﻥ.. ﺑﻴﺨﺎﻑ ﻳﻐﻴّﺮ، ﺑﻴﺨﺎﻑ ﻳﺎﺧﺪ ﺣﻘﻪ، ﻭﻣﺶ ﻏﺮﻳﺐ ﻟﻤﺎ ﺷﻮﻳّﺔ ﻋﺒﻴﺪ ﺑﻴﻌﺒﺪﻭﺍ ﺍﻟﺠﻨﻴﻪ ﻭﻟﻘﻤﺔ ﺍﻟﻌﻴﺶ ﻋﻠﻰ ﺣﺴﺎﺏ ﻛﺮﺍﻣﺘﻬﻢ ﻭﻛﺮﺍﻣﺔ ﺃﻫﻞ ﺑﻴﺘﻬﻢ ﻳﺨﺘﺎﺭﻭﺍ ﺇﻧﻚ ﺗﻜﻮﻧﻲ ﻏﻠﻄﺎﻧﺔ ﺃﺳﻬﻞ ﺑﺎﻟﻨﺴﺒﺔ ﻟﻬﻢ ﻛﺘﻴﺮ ﻣﻦ ﺇﻥ ﻛﻞ ﻭﺍﺣﺪ ﻣﻨﻬﻢ ﻳﺮﺯﻉ ﺍﻟﻤﺘﺤﺮﺵ ﻗﻠﻤﻴﻦ ﻋﻠﻰ ﺧﻠﻘﺘﻪ! ﻭﺩﻟﻮﻗﺘﻲ ﻫﻴﺤﺼﻞ ﺷﻮﻳﺔ ﺭﻏﻲ ونفضل نتكلم ﻟﻜﻦ ﺍﻧﺖ ﻧﻔﺴﻚ ﺑﺮﺿﺔ بكره هتلاقى بنت جميله ماشيه هتفضل متنحلها وتغتصب حقها فى انها تمشى فى الشارع من غير نظرات غريبه ﺍﺣﻨﺎ ﻣﺠﺘﻤﻊ ﺯﺑﺎﻟﺔ ﺑﻠﺪ ﺑﺘﻐﺘﺼﺐ ﻛﻞ ﺣﺎﺟﺔ ﻣﻦ ﺃﻭﻝ ﺍﻟﺠﺴﻢ ﻟﺤﺪ ﺍﻷﺣﻼﻡ ﻣﺮﻭﺭﺍً ﺑﺎﻟﺤﻘﻮﻕ ﺍﻏﺘﺼﺒﻮﺍ ﺍﻟﺜﻮﺭﺓ ﻭﺍﻏﺘﺼﺒﻮﺍ ﺍﻟﺸﻬﺪﺍ ﻣﺶ ﻫﻘﻮﻟﻚ ﺑﻜﺮﺓ ﻳﻐﺘﺼﺒﻮﺍ ﺃﺧﺘﻚ ﺃﻭ ﻣﺮﺍﺗﻚ ﺃﻭ ﺃﻣﻚ.. ﻹﻧﻨﺎ ﻛﻞ ﻳﻮﻡ ﺑﻨﻐﺘﺼﺒﻬﻢ، ﻋﻠﻰ ﺍﻷﻗﻞ ﺑﺎﻟﺴﻜﻮﺕ ﻭﻧﻔﺲ ﺍﻟﺴﻜﻮﺕ ﺩﻩ.. ﻫﻨﻌﺎﺷﺮﻩ ﺧﻼﻝ ﻛﺎﻡ ﻳﻮﻡ ﻟﻤﺎ ﺍﻷﻣﻮﺭ ﺗﻬﺪﺍ، ﻭﻧﻐﺘﺼﺐ ﺣﻖ ﺍﻟﺒﻨﺖ انها منرجعلهاش حقها
بقلم فادى جيفارا
https://www.facebook.com/fadyguevara18